Cyswllt Teulu yw’r unig elusen drwy’r Deyrnas Unedig i gyd sy’n darparu cyngor, gwybodaeth a chefnogaeth i rieni’r holl blant anabl - ni waeth beth yw’u hanabledd neu gyflwr eu hiechyd. Yr ydym hefyd yn galluogi rhieni i gysylltu â theuluoedd eraill, ar sail leol a chenedlaethol, fel ei gilydd.

Yr ydym yn cynnig ystod o wasanaethau i gymorth teuluoedd, yn cynnwys llinell gymorth radffon 0808 808 3555 ac amryw o swyddfeydd, staff a gwirfoddolwyr o amgylch y Deyrnas Unedig.  Fe ellir canfod y rhan fwyaf o’n deunyddiau gwybodaeth ar ein gwefan www.cafamily.org.uk , yn cynnwys Cyfeirlyfr Cyswllt Teulu o Gyflyrau Penodol a Syndromau Anghyffredin. 

Y mae Cyswllt Teulu Cymru yn:

• Ateb ymholiadau unigol - darparu gwybodaeth am gyflyrau penodol, grwpiau cymorth a gwasanaethau lleol
• Cyhoeddi gwybodaeth - taflenni gwybodaeth ynglŷn ag ystod eang o bynciau ynghyd â thaflen newyddion chwarterol
• Cynnal gweithdai – ar gyfer rhieni plant anabl
• Polisi ac ymgyrchu - codi anghenion plant anabl a’u teuluoedd gyda gwleidyddion a llunwyr polisi.